91ɫ��Ƭ

Ar ôl cyflawni rhaglen lefel 4 ofynnol yng Ngholeg Llandrillo, cafodd y myfyrwyr hyn eu secondio ar y rhaglen BN rhan amser ym Mhrifysgol 91ɫ��Ƭ gan eu cyflogwyr GIG. Comisiynir y rhaglen gan Lywodraeth Cymru, sy'n ariannu'r cwrs, ac mae'n rhedeg am 23 awr yr wythnos dros 2 flynedd a 9 mis. Mae'r cyfle gwych hwn yn cydnabod y gweithlu gofal iechyd talentog yng Ngogledd Cymru, trwy gynnig llwybr dilyniant gyrfa i weithwyr cymorth gofal iechyd presennol y GIG.

Dywedodd Gill Truscott, arweinydd cwrs y rhaglen Nyrsio ran-amser ym Mhrifysgol 91ɫ��Ƭ:

“Hoffwn ddiolch i’r myfyrwyr am eu gwaith caled parhaus, eu hymrwymiad a’u hymroddiad trwy gydol pandemig Covid; mae eu dycnwch a'u cyflawniadau ar yr adeg hon yn arbennig o glodwiw. Roedd ymrwymiad diysgog y myfyrwyr ynghyd â’n gwaith partneriaeth yn galluogi pawb i gwblhau fel y trefnwyd. Hoffwn hefyd ddiolch i'r timau nyrsio yn BIPBC am gefnogi eu cydweithwyr i ddod yn nyrsys cymwys. Rydym yn llongyfarch pob myfyriwr yn ddiffuant ar eu llwyddiannau aruthrol ac yn dymuno'n dda iddynt i gyd yn eu gyrfaoedd yn y dyfodol."

Mae un o'r myfyrwyr llwyddiannus, Lynda, sydd bellach yn nyrs gofrestredig yn Ysbyty Gwynedd, yn esbonio sut mae'r llwybr newydd hwn i nyrsio wedi ei helpu:

“Rwyf bob amser wedi bod eisiau datblygu fy ngyrfa i ddod yn nyrs, ond roedd amgylchiadau personol yn fy atal. Pan gododd y cyfle hwn, fe wnes i fanteisio yn syth. Er ei bod hi’n heriol ceisio jyglo popeth, roedd y gefnogaeth gan y Bwrdd Iechyd a'r Brifysgol yn rhagorol - yn enwedig gan fy nhiwtor personol. Rwy'n argymell yn llwyr i unrhyw weithiwr cymorth gofal iechyd sydd am ddod yn nyrs i gyflawni'r cwrs. Mae'n feichus iawn, ond hefyd yn hynod werth chweil.”