91É«ÇéƬ

Croeso i’r Adran Gwyddorau Chwaraeon ac Ymarfer  ym Mhrifysgol 91É«ÇéƬ. Fel Pennaeth dros dro, rwy'n falch iawn o'ch croesawu i Fangor ac yn credu'n wirioneddol y byddwch yn cael amser anhygoel yma. Rydym yn un o'r ysgolion pennaf yn cynnig amrywiaeth o gyfleoedd. Mae ein hymchwil sydd gyda’r gorau yn y byd yn cwmpasu perfformiad elît, lles seicolegol, a ffisioleg ddynol gymhwysol, ac yn parhau i gael effaith yn y byd go iawn.  Rydym hefyd yn falch o'n rhagoriaeth mewn addysgu a dysgu, sy'n cael ei chydnabod yn yr un modd yn genedlaethol ac yn fyd-eang, ac rydym wrth ein bodd eich bod wedi ein dewis ni i ddatblygu eich hyfforddiant academaidd, proffesiynol a galwedigaethol.  

Rydym yn ymwybodol bod hwn yn gyfnod hynod o bwysig i chi. Rydych chi'n dechrau ar gyfnod cyffrous yn eich taith bywyd ac yn dechrau cwrs astudio newydd a fydd yn cynnwys nifer o newidiadau a chyfnodau pontio. Mae'n eithaf normal gweld y posibilrwydd hwnnw’n gyffrous ac yn frawychus. Fodd bynnag, gallaf ddweud yn onest bod ein staff yn hynod gyfeillgar, ac rydym yn ymfalchïo yn ein gallu i gynnig pecyn cefnogaeth bugeiliol/personol helaeth i chi.  Os oes gennych unrhyw bryderon neu broblemau, neu os ydych yn teimlo'n ansicr ynglÅ·n â'ch teimladau, yna cysylltwch â'ch tiwtor personol cyn gynted â phosibl. Rydym i gyd yma i'ch helpu i ymgartrefu yn y brifysgol.  

Mae ein rhaglen Wythnos Groeso wedi ei chynllunio i roi cefnogaeth ac arweiniad ac mae’n cynnwys amrywiaeth o sesiynau a gweithgareddau gyda’r bwriad o’ch helpu i ymgyfarwyddo â’ch amgylchedd newydd.  Byddwch yn cael sesiwn ragarweiniol, digwyddiadau cymdeithasol a chyfleoedd i gwrdd â'ch tiwtor personol a all ateb unrhyw gwestiynau fydd gennych am eich rhaglen astudio.  

Fel adran rydym wedi ymrwymo i addysgu pobl a fydd yn cyfrannu at gymdeithas y dyfodol ac yn ei harwain. Rydym hefyd wedi ymrwymo i hyrwyddo a gwella cydraddoldeb, amrywiaeth a chynhwysiant.  Gyda'n gilydd, gallwn sicrhau bod eich amser ym Mhrifysgol 91É«ÇéƬ yn bleserus ac yn drawsnewidiol. Rwy’n hyderus y bydd eich profiad yn dylanwadu ar eich bywyd ac yn eich galluogi i gael effaith gadarnhaol ar gymdeithas ac ar fywyd pobl eraill ar ôl i chi cwblhau eich astudiaethau.  

Edrychaf ymlaen yn fawr iawn at eich cyfarfod chi yn yr wythnosau nesaf.

Dymuniadau gorau,

Yr Athro James Hardy

Pennaeth Dros Dro